FIESTA 2 T'NALAK FESTIVAL

 

T’NALAK FESTIVAL

 

ANG T’nalak Festival, tinatawag ding Tinalak Festival, ay isang pagdiriwang tuwing Hulyo bilang pagkilala sa anibersaryo ng South Cotobato. Ginaganap ito sa Koronadal City, ang kabisera ng probinsya.

Kakaiba ang pa­ngalan ng festival dahil hinango ito sa popular na makulay na piraso ng damit na hinabi ng mga babaeng T’boli.

Ang T’boli ay isang tribo sa South Cotabato. Itinuturing na banal ang t’nalak cloth, at sinasabing ang mga T’boli weavers umano ay nagsisilbing tagapamagitan sa mga espiritung naninirahan sa mundo, upang makalikha ng magaganda at makukulay na damit, na nagpapakita ng kanilang kultura, tradisyon at pamumuhay.

Isang buong linggo ito ng makulay na seleb­rasyon ng probinsya, na nagpapakita ng pagkakaisa ng iba’t ibang paniniwala, kasama na ang mga Muslim, Kristiyano at mga paganong tribo.

Sa kulturang T’boli babae lamang ang pwedeng humabi ng t’nalak. Noong 1998, kinilala si Lang Dulay (August 3, 1928-April 30, 2015) na isang mahusay na manghahabing Filipino, at ginawaran ng Gawad sa Manlilikha ng Bayan o National Living Treasure ng National Commission for Culture and the Arts (NCCA) dahil sa pagpa­panatili nila sa t’nalak weaving.

Ang T’nalak ay isang uri ng damit na mula sa abaka, at kinulayan ng kakaiba. Ginagamit ito ng mga mananayaw tuwing may okasyon.

Nagsisimula ang pagdiriwang sa isang parada at cheer dance. Nagtitipon ang mga mananayaw ng iba’t ibang tribo, suot ang makukulay nilang damit, upang ipakita ang kanilang kultura.

Bahagi rin ng pagdiriwang ang mga fairs at bazaar, upang suportahan ng local na industriya ng probinsya.

T'NALAK FESTIVAL

💓💓👍👍👍😀😀😀😍😍